பிரியாவின் கவிதைகள்

Read Time:4 Minute, 59 Second

கவிதை தொகுப்பு – 01

கவிதை: கவிதை என்பது

கவிதை என்பது
கருத்தைச் சொல்லவே
கவிதை என்பது
தீமையை வெல்லவே
கவிதை என்பது
வன்முறையைச் சாய்க்கவே
கவிதை என்பது
நல்வழிக் காட்டவே .
ஊற்றெனச் சுரப்பதே
கவிதை
மாற்றங்கள் அளிப்பதே
கவிதை
தேற்றவும் செய்யுமே
கவிதை
தேசத்தின் உணர்வே
கவிதை . . . .
கவிதை என்பது
போதனை
கவிதை என்பது
சாதனை
கவிதை தீர்க்கும்
வேதனை
கவிதை போற்றும்
தேவனை .இதழ் மீது கவியெழுத
அதிகாலையில் விழுந்தது
பனித்துளி

“கேள்வி கேட்பதற்கும் உங்களை முன் நிறுத்துவதற்கும் மொழி புலமை அவசியம் என்று நினைக்காதீர்கள்…. உலகில் சரியாக சிந்திக்க வைத்த கேள்விகளை கேட்ட நிறையப் பேர் மொழிப்புலமை இல்லாமல் தங்களுக்கு தெரிந்த வார்த்தைகளைக் கொண்டு தங்கள் கேள்விகளை சரியாக புரியவைத்தவர்கள்

கவிதை: அடிமைத்தனம்

இரும்புப் பாதையில் நகர்கிறது
இரயில் மட்டுமல்ல,
மாறிக்கொண்டே இருக்கும்
மனிதர்களின் வாழ்க்கையும்தான்
தொடக்க நிலையம்…
கனவுகளோடு ஏறும் முகங்கள்,
கைப்பைகளில் அடைத்து வைத்த
நாளை பற்றிய எதிர்பார்ப்புகள்.
அடுத்தடுத்த நிறுத்தங்கள்…
ஒவ்வொரு கதவும் திறக்கும்போது
ஒரு புதிய கதை உள்ளே நுழைகிறது.
யாரோ ஒருவரின் விடைபெறல்,
இன்னொருவரின் புதிய தொடக்கம்.
மாறும் நிலையங்கள்…
தடங்கள் மாறும் இடத்தில்
தடுமாறும் மனிதர்கள்.
பாதை மாறினாலும்,
பயணம் மட்டும் தொடர்கிறது.
முடிவு நிலையம்…
ஆளரவமற்ற வெற்றுப் பெட்டிகள்,
ஆனால்,
ஒவ்வொரு இருக்கையிலும் விட்டுச்செல்லப்பட்ட
ஏதோ ஒரு நினைவின் சுவடுகள்.
மெட்ரோவின் ஜன்னல் வழியே
வேகமாய் கடக்கிறது காலம்,
நாம் இன்னும் அடுத்த நிலையத்தைத் தேடி

கவிதை: எனக்கும் ஒரு நாள் வரும்

எனக்கும் ஒரு நாள் வரும்..
கடந்த காலத்தை
திரும்பிப் பார்த்து..
இதெல்லாம்
எனக்குத்தானா நடந்தது.???
என்று நினைத்து
கண்ணீர் வராமல்
சிரிக்கும் ஒரு நாள்..!!
துணையாக இருப்பவர் எல்லாம்
விலகும் போதுதான் தெரிகிறது
இறைவன் மட்டுமே நிலையான
துணை என்பது நிரூபனமாகிறது !!!

கவிதை: அலட்சியப்படுத்தாதீர்கள்

சூழ்நிலை சாதகமாக இருந்தாலும்,
உள்ளம் மட்டும் “வேண்டாம்” என்றால்…
அந்த மௌனக் குரலை
அலட்சியப்படுத்தாதீர்கள்…!
சில நேரங்களில்,
நம் உள்ளுணர்வு சொல்லும்
ஒரு சிறிய எச்சரிக்கைதான்
நம்மை பெரிய தவறிலிருந்து காப்பாற்றும்

கவிதை: மிகவும் ஆபத்தான பொய்.

“நாளை ஆரம்பிக்கலாம்” என்பது மனம் சொல்லும் மிகவும் ஆபத்தான பொய். அந்த நாளை பலரின் வாழ்க்கையில் ஒருபோதும் வருவதில்லை.
கனவுகள் ஒரே நாளில் இறப்பதில்லை. தினமும் கொஞ்சம் கொஞ்சமாக தள்ளிப்போடப்படும் முடிவுகளில்தான் அவை அமைதியாக மறைந்து விடுகின்றன

கவிதை: நல்லவன் பட்டத்திற்கு